SPITSBERGEN, O GARDIÁN DO ÁRTICO: TRAILER PARA A TELEVISIÓN DE GALICIA

O primeiro das 13 longametraxes sobre o quecemento global,
"Spitsbergen, o Gardián do Ártico", xa está practicamente listo. Rodando íntegramente en Súper-8, con toda a gama de emulsions de Kodak (incluso algunhas do pasado, caducadas), é un proxecto moi persoal, no que investín moitas horas.

Para a súa estrea cinematográfica faranse un par de positivos en 16 mm e un en 35 mm.
O documental será emitido por Televisión de Galicia, quen me pediu un trailer promocional dun minuto e medio.
A voz é do gran Santiago Fernández, mentres que a espectacular banda sonora é do compositor Sergio Moure de Oteyza.
O documental foi maioritariamente terminado con métodos cinematográficos tradicionais, desde a filmación ata a montaxe e a sonorización. Ás veces, un ollo clínico pode distinguir as marcas de empalmes Fujifilm entre toma e toma!
A distribuidora cinematográfica para 35 mm é Baños Films. Os positivos en 16 mm, un con son óptico, outro con son magnético, son para exhibir o documental en concellos de Galicia e centros educativos, tal e como foi concibido, ¡con película de cinema!, co obxectivo de alertar ás audiencias sobre o verdadeiro "gran problemón" que afecta á humanidade: o quecemento global.


SPITSBERGEN O GARDIÁN DO ÁRTICO, trailer para TVG from IB CINEMA Motion Picture Films on Vimeo.
¿ONDE MERCAR SÚPER-8?
Sempre recomendo a mesma tenda da que son clientes Steven Spielberg, Spike Lee ou J. J. Abrams, entre outras luminarias da pantalla grande: Pro 8 mm, de Hollywood. O seu propietario, Phil, é o creador do formato Max-8, que proporciona un formato normal de case 1,85 (como neste documental). Asisten en español e inglés, na seguinte ligazón, e o envío a Europa leva só 3 días!
Se che interesa o mundo audiovisual fetén, o fotoquímico, gozarás mergullando por este sitio web:
https://www.pro8mm.com?sca_ref=221762.t1gzXnwJIC