NON HAI FUTURO (OPUS V)

Antonio Bermúdez fai a última proxección fílmica no MACUF, da Coruña, acto co que pecha para sempre o museo, mentras lembra (con certo resentimento) o mundo da exhibición cinematográfica en 35 mm, que se desvanece, nunha historia que é, en realidade, un documental dramatizado en clave de comedia.

Intérprete: Marcos J. Fernández Eimil, como Antonio Bermúdez. 

Locución: Fernando Pujalte e Álex López

Unha película concibida, filmada e escrita por Ignacio Benedeti Corzo.

Montaxe de Álex López.

Produción executiva: Encarnación "Nena" Pulido.

Cartaz: Juan Carlos Abraldes.

Filmada en Súper-8 con película Kodak.

Revelada por Juan Carlos Olivo en Retrolab Cinema.

Positivos de 16 mm: Onda Radio Service.

Música: Arteixo Big Band.

Mestura de son fotográfico: Alberto Vangelisti.

Dixitalización: José Luis Sanz.

Unha produción cinematográfica acollida ao Fondo de Proxectos Culturais en Lingua Galega Xacobeo 2021, da Secretaría Xeral de Política Lingüistica. Consellería de Cultura, Educación e Universidade. Xunta de Galicia.

Metraxe: 25 minutos (16 mm Kodak Vision) 

Son óptico.

“Non hai futuro (Opus V)” é unha mediametraxe de 25 minutos onde o último operador de cabina en activo de 35 mm pasa revista aos cambios vividos en Galicia no sector da distribución e a exhibición cinematográfica: as cabinas con dobre sistema de proxectores que deron paso aos proxectores con torre de longametraxe, a chegada dos complexos de multicines con sistema de prato, ata a práctica desaparición do 35 mm cunha proxección que, en decembro de 2018, supuxo tamén o último acto do defunto Museo de Arte Contemporánea Unión Fenosa (MACUF). 

Fotograma de "Non hai futuro (Opus V)"

O Opus V é,  en realidade, un documental camuflado: a historia é un pretexto para explicar a tecnoloxía de exhibición en 35 mm, ao mesmo tempo que é unha alegación en favor do fílmico fronte ao dixital, que significará, mais pronto que tarde, a morte do cinema tal e como o coñecemos: a proxección dunha película en pantalla grande,  en comuñón compartida con outros espectadores.   

Ao longo da mediometraxe móstranse os distintos equipamentos cinematográficos que non fai tanto eran fábricas de soños, as instalacións de distribuidoras de cinema ou o único almacén de 35 mm dunha multinacional en Galicia, así como o último transportista especializado en 35 mm.

Fotograma de "Non hai futuro (Opus V)"

Narrado con hilaridade, a tres voces, as imaxes fílmicas son de gran interese histórico para a memoria de Galicia. A trama, dramatizada, entretén ao público xeral.

"Non hai futuro (OPUS V)" é unha mediametraxe  integramente filmada con película de Súper-8. A montaxe é tradicional, cortando e pegando a película. 

O son é tamén fotográfico, pois nada hai na realización desta obra alleo á tecnoloxía fotoquímica.

 

"Non hai futuro (Opus V)" pecha a serie sobre a crise económica española. As catro entregas anteriores superaron os 100.000 espectadores.

Fotografía Kodak Portra 800 da sonorización por Fernando Pujalte, con proxector Eumig 940 Multiprocessor e telecinema Fumeo

Información sobre o deseño do cartel:

PULSAR AQUÍ