15.000 ESPECTADORES EN TRES DÍAS PARA "NON HAI FUTURO (OPUS V)"

 A "pentalogía fílmica" "Non hai futuro" sobre a crise económica española, con personaxes vinculados ao mundo do cinema,  cérrase cun broche de ouro: 15000 espectadores para a entrega quinta e final!, durante a primeira fin de semana de difusión pola Rede, entre Vimeo e Youtube.

Moi contento de como está a funcionar este opus desde que foi aberto o público o pasado venres 10 de decembro de 2021, e puiden enlazalo en varias páxinas de superochistas e de entusiastas do cinema fotoquímico, CON MILES DE VISIONADOS nun santiamén.

"Non hai futuro (Opus V)" en Vimeo (con posibilidade de subtítulos en español e inglés):

NON HAI FUTURO (OPUS V) from IB CINEMA Motion Picture Films on Vimeo.

Naturalmente, prefiro que se vexa en Vimeo, e non na perralleira Youtube, pois esta última plataforma "empasta" o bonito gran do Súper-8. En Vimeo, ademais, pódese admirar o cartaz debuxado por Juan Carlos Abraldes, e elixir os subitulados en español ou inglés. En Vimeo, o opus non está interrompido por anuncios.

Pero, naturalmente, a forma ideal de gozar deste traballo non é a través do dixital, senón cunha copia física en 16 mm!

Notoria diferenza de calidade entre Youtube e Vimeo á hora de reproducir Súper-8

"Non hai futuro (Opus V)", en Youtube:

O venres e o sábado, mentres o opus estaba enlazado só nos grupos que administro Super 8mm (internacional, con 12.000 membros) e SUPEROCHISTA (só español), os espectadores chegaron, por esta orde, de España, Reino Unido e Estados Unidos, con Italia no cuarto lugar: os 4 países craves para a Humanidade!!!

Unha obra acollida ao Fondo de Proxectos Culturais en Lingua Galega Xacobeo 2021, da Secretaría Xeral de Política Lingüística. Consellería de Cultura, Educación e Universidade. Xunta de Galicia.

Antonio Bermúdez fai a última proxección fílmica no MACUF, da Coruña, acto co que pecha para sempre o museo, mentras lembra (con certo resentimento ao dixital que acabou co seu traballo) o mundo da exhibición cinematográfica en 35 mm, que se desvanece, nunha historia que é, en realidade, un documental dramatizado en clave de comedia.

Intérprete: Marcos J. Fernández Eimil, como Antonio Bermúdez. 

Locución: Fernando Pujalte e Álex López

Unha película concibida, filmada e escrita por Ignacio Benedeti Corzo.

Montaxe de Álex López.

Produción executiva: Encarnación "Nena" Pulido.

Cartaz: Juan Carlos Abraldes.

Filmada en Súper-8 con película Kodak.

Revelada por Juan Carlos Olivo en Retrolab Cinema.

Positivos de 16 mm: Onda Radio Service.

Música: Arteixo Big Band.

Mestura de son fotográfico: Alberto Vangelisti.

Dixitalización: José Luis Sanz.

Metraxe: 25 minutos (16 mm Kodak Vision) 

Son óptico de densidade variable.

Escribindo o guión (fotografía con película Kodak)

“Non hai futuro (Opus V)” é unha mediametraxe de 25 minutos onde o último operador de cabina en activo de 35 mm pasa revista aos cambios vividos en Galicia no sector da distribución e a exhibición cinematográfica: as cabinas con dobre sistema de proxectores que deron paso aos proxectores con torre de longametraxe, a chegada dos complexos de multicines con sistema de prato, ata a práctica desaparición do 35 mm cunha proxección que, en decembro de 2018, supuxo tamén o último acto do defunto Museo de Arte Contemporánea Unión Fenosa (MACUF). 

O gran Fernando Pujalte gravando a locución na película de Súper Oito (fotografía con película Kodak)

O Opus V é,  en realidade, un documental camuflado; a historia é un pretexto para explicar a tecnoloxía de exhibición en 35 mm, ao mesmo tempo que é unha alegación en favor do fílmico fronte ao dixital, que significará, mais pronto que tarde, a morte do cinema tal e como o coñecemos: a proxección dunha película en pantalla grande,  en comuñón compartida con outros espectadores. 

Fotograma da película

Ao longo da mediometraxe móstranse os distintos equipamentos cinematográficos que non fai tanto eran fábricas de soños, as instalacións de distribuidoras de cinema ou o único almacén de 35 mm dunha multinacional en Galicia, así como o último transportista especializado en 35 mm.

O protagonista da película

Narrado con hilaridade, a tres voces, as imaxes fílmicas son de gran interese histórico para a memoria de Galicia. A trama, dramatizada, entretén ao público xeral. O mellor cumprido, é o que fixo o operador cinematográfico do Ourense Film Festival, onde se preestrenó: "chorei con el".

Cris Lores, o operador cinematográfico do Ourense Film Festival

"Non hai futuro (OPUS V)" é unha mediametraxe  integramente filmada con película de Súper-8. A montaxe é tradicional, cortando e pegando a película. 

O son é tamén fotográfico, pois nada hai na realización desta obra alleo á tecnoloxía fotoquímica.

"Non hai futuro (Opus V)" pecha a serie sobre a crise económica española. As catro entregas anteriores superaron os 100.000 espectadores.

Sincronizando o son con Álex (tamén narrador) na sala HAL9000 de IB Cinema

Información sobre o deseño do cartel (obra de Juan Carlos Abraldes):

PULSE AQUÍ