¡¡¡EN 16 MM!!!, POR FIN, "SPITSBERGEN, O GARDIÁN DO ÁRTICO"

Galicia fai historia, no cinema mundial, coa primeira longametraxe positiva de distribución en película en 16 mm "inchado" a partir dun negativo orixinal de Súper-8, "Spitsbergen, O Gardián do Ártico".

A película chega do laboratorio en varios rolos pequenos

É unha tecnoloxía, esta, que levo ensaiando desde hai anos, con excelentes resultados, con clips musicais como "Camino de vuelta" ou "La noche de San Juan", entre outros, pero que é a primeira vez que se aplica, en todo o universo mundo na súa inmensa redondez, a unha longametraxe de nada menos que oitenta minutos.

Os rolos pequenos, en núcleo, hai que pasalos a bobinas

O positivo, excelente, en película Kodak Vision 3383 de poliester, con pista óptica de densidade variable, que é o sistema máis económico (o son magnético aplicado á película proporcionaría alta fidelidade, algo que non descarto para un segundo positivo... se se consegue algún apoio adicional). Magnífico o traballo de Marco Emiliani, á fronte do laboratorio Onda Radio.

Mais adiantei comprarei unha bobina de 1600 metros. De momento, montei a película en dúas bobinas de 800 metros.

Acabo de comprobar a calidade nunha pantalla con dous metros e medio de ancho: ¡é asombrosa, inaudita! Parece un documental filmado por todo un equipo, e non só por unha persoa. Gustaríame probala na pantalla grande do CGAI pero non hai resposta desa xente. Non me atrevo a insistir pois o CGAI depende do que López Chaves denominou en sede parlamentaria como "chiringuito", AGADIC, cuxo pretor, hai pouco mais dun ano, cando " Spitsbergen, o gardián do Ártico" non era mais que un proxecto, espetoume, recostado na súa poltrona: "el calentamiento global no es un problema nuestro".

Deberei de inxeniármelas doutra forma para proxectar a película nunha pantalla verdadeiramente grande. O problema, é que terei que trasladar un proxector de cinema, cando no CGAI xa están instalados. Unha pena que, en Galicia, a infraestructura oficial do audiovisual estea ao servizo exclusivo da extrema esquerda mais radical.
A miña dúbida, agora, é si proxectar a película coa súa pista óptica, co seu característico timbre que tanto nos gusta aos cineístas,  ou engadirlle unha magnética, cun son mais acorde ao que o público está afeito escoitar.

Post Scriptum: 
"Spitsbergen, O Gardián do Ártico", positivo en 16 mm probado hoxe na sala Klan-Des-Tyne, con pantalla de 4 metros. A ver si este fin de semana consigo que me presten unha sala máis grande, aínda que teña que levar o procector (xa que os do CGAI, sen dúbida recibindo instrucións de AGADIC, dan a calada por resposta)